ಹಳೆ ಕಾಲದಲ್ಲಿ ರಾಜರು ಭವಿಷ್ಯದಲ್ಲಿ ವಿಧವೆಯರಾಗಬಹುದಾದ ಹುಡುಗಿಯರನ್ನು ತಂದು ವಿಷ ತಿನ್ನಿಸಿ ಅವರನ್ನು ವಿಷ ಕನ್ಯೆಯರನ್ನಾಗಿ ಪರಿವರ್ತಿಸುತ್ತಿದ್ದರಂತೆ. ಅಂತಹ ಕನ್ಯೆಯರನ್ನು ತಮ್ಮ ಶತ್ರುಗಳಿಗೆ ಕಳಿಸಿ ವಿಷ ಕನ್ಯೆಯೊಂದಿಗೆ ಪ್ರೇಮಾಂಕುರವಾಗುವಂತೆ ಮಾಡಿ, ರಾಸಲೀಲೆ ನಡೆಸಿದ ಶತ್ರು ಸಾವನ್ನಪ್ಪುವಂತೆ ಮಾಡುತ್ತಿದ್ದರಂತೆ. ಚಕ್ರವರ್ತಿ ಅಲೆಗ್ಸಾಂಡರ್ ಸಹಾ ಇದೇ ರೀತಿ ಸತ್ತ ಎಂದು ಓದಿದ ನೆನಪು. ನಮ್ಮ ಕಲಿಯುಗದ ವಿಷ ಕನ್ಯೆ ಬಗ್ಗೆ ಸ್ವಲ್ಪ ಓದೋಣ. ಇಂಗ್ಲೆಂಡಿನ ಭಾರತೀಯ ಮೂಲದ ಮಹಿಳೆ ತನ್ನ ಪ್ರಿಯಕರನನ್ನು ಕೊಂದಳು, ಸಾರಿನಲ್ಲಿ (curry) ವಿಷ ಬೆರೆಸಿ. ತನ್ನ ಪ್ರಿಯಕರ ತನಗಿಂತಲೂ ಚಿಕ್ಕ ವಯಸ್ಸಿನ ಹುಡುಗಿಯನ್ನು ಮದುವೆ ಮಾಡಿಕೊಳ್ಳುವುದನ್ನು ಸಹಿಸದೆ ಆಕೆ ಈ ಕೃತ್ಯವನ್ನು ಎಸಗಿದಳು. ವಿಷ ದ ಸಾರನ್ನು ಸೇವಿಸಿದ ಪ್ರಿಯಕರ ಮತ್ತು ಆತನ ನವ ಪ್ರೇಯಸಿ ಆಸ್ಪತ್ರೆಗೆ ದಾಖಲಾದರೂ ಪ್ರಿಯಕರ ಸಾವನ್ನಪ್ಪಿದ. ಪ್ರಕರಣ ನ್ಯಾಲಯಕ್ಕೆ ಬಂದು ಆಕೆಗೆ ೨೩ ವರ್ಷಗಳ ಕಾರಾರಹ ವಾಸ ದಯಪಾಲಿಸಿದ ನ್ಯಾಯಾಧೀಶ. ತನ್ನ ತೀರ್ಪಿನಲ್ಲಿ ” “You were not just a spurned lover, you did not simply explode in anger at your rejection. You set about a cold and calculating revenge.” ನ್ಯಾಯಾಧೀಶ ನುಡಿದ.

ಆಕ್ರೋಶದಲ್ಲಿ ಮನುಷ್ಯ ಕುರುಡನಾದಾಗ ಮತ್ತು ಆಕ್ರೋಶದೊಂದಿಗೆ ಮತ್ಸರವೂ ಸೇರಿಕೊಂಡಾಗ ಫಲ ವಿಷದಷ್ಟೇ deadly combination.