ಕ್ರಿಕೆಟ್ ಮೈದಾನದ ಡೀಪ್ ಮಿಡ್-ವಿಕೆಟ್ ಮತ್ತು ವೈಡ್ ಲಾಂಗ್ ಆನ್ ಮಧ್ಯೆ ಬರುವ ಅಂಗಳಕ್ಕೆ “ಕೌ ಕಾರ್ನರ್” ಅಂತ ಕರೀತಾರೆ. ಅಂದರೆ “ದನದ ಮೂಲೆ” ಅಂತ. ಈ ಅಂಗಳದ ಕಡೆ ದಾಂಡಿಗ ಶಾಟ್ ಹೊಡೆಯೋದು ಅಪರೂಪವಂತೆ, ಹಾಗಾಗಿ ಈ ಪ್ರದೇಶದಲ್ಲಿ ದನಗಳು ಮೇಯುತ್ತಿದ್ದರೆ ಅವುಗಳಿಗೆ ಚೆಂಡು ಬಡಿಯುವ ಅಪಾಯವಿರುವುದಿಲ್ಲವಂತೆ. ನಿರಾತಂಕವಾಗಿ ಅವು ಆಟ ಸವಿಯುತ್ತಾ ಹುಲ್ಲು ಮೇಯಬಹುದು. ಕ್ರಿಕೆಟ್ ಆಟಕ್ಕೂ ‘ರಾಸು’ ಗಳಿಗೂ ಇರುವ ಸಂಬಂಧ ಏನು ? ಕ್ರಿಕೆಟ್ ಕುರಿ ಕಾಯುವವರ ಆಟ ತಾನೇ? ಕುರಿಯೋ, ರಾಸೋ, ಇವೆರಡೂ ಮೇಯುವುದು ಹುಲ್ಲನ್ನೇ, ಅಲ್ಲವೇ?