ನಂಬಲು ಅಸಾಧ್ಯವಾದ ರಾಜಕೀಯ ಘಟನೆ ಅಮೇರಿಕೆಯಲ್ಲಿ. ಸರಪಳಿ ಬಿಗಿದು ಆಫ್ರಿಕಾ ದೇಶಗಳಿಂದ ಗುಲಾಮಗಿರಿಗಾಗಿ ಅಮೆರಿಕೆಯ ಕಡಲತೀರದ ಮೇಲೆ ಎಸೆಯಲ್ಪಟ್ಟ ಕರಿಯರ ಪೈಕಿಯವರಾದ ಬರಾಕ್ ಒಬಾಮ ಅಮೆರಿಕೆಯ ಅಧ್ಯಕ್ಷ. ಇದನ್ನು ನೋಡಿದವರಿಗೆ ತಿರುಕನ ಕನಸು ನೆನಪಾಗದಿರದು.

 

ಕೇವಲ ಕೆಲವೇ ದಶಕಗಳವರೆಗೆ ಮತ ಚಲಾಯಿಸಲೂ ಸಾಧ್ಯವಾಗದಿದ್ದ ನಾಡಿಗೆ ಕರಿಯ ಅಧ್ಯಕ್ಷ. ಕ್ರೈಸ್ತರಾಗಿದ್ದಾರೂ ಬಣ್ಣ ಕಪ್ಪು ಎಂಬ ಒಂದೇ ಕಾರಣಕ್ಕೆ ಚರ್ಚುಗಳಿಗೆ ಪ್ರವೇಶವಿಲ್ಲ. ಬಿಳಿಯರು ಹೋಗುವ ಶಾಲೆಗೆ ಕರಿಯರ ಮಕ್ಕಳು ಹೋಗುವಂತಿಲ್ಲ. ಕರಿಯ ಅಪ್ಪಿತಪ್ಪಿಯೂ ಬಿಳಿ ಹೆಣ್ಣನ್ನು ಮದುವೆಯಾಗುವುದಿರಲಿ, ಕಣ್ಣೆತ್ತಿಯೂ ನೋಡುವಂತಿಲ್ಲ. ಸಾರ್ವಜನಿಕ ಬಸ್ಸುಗಳಲ್ಲಿ ಮುಂದಿನ ಬಾಗಿಲಿನಿಂದ ಹತ್ತುವಂತಿಲ್ಲ. ಒಂದೇ ಎರಡೆ ಅವರ ಮೇಲೆ ನಡೆದ ಅತಿರೇಕಗಳು. ಆ ದೇವರು ಬಿಳಿಯರ ಅಹಂಕಾರಕ್ಕೆ ಸರಿಯಾದ ಮದ್ದನ್ನೇ ಅರೆದ.

 

ತಮ್ಮ ಉದ್ಘಾಟನಾ ಭಾಷಣದಲ್ಲಿ, ಅರವತ್ತು ವರ್ಷಗಳ ಹಿಂದೆ ತನ್ನ ತಂದೆಗೆ ಹೋಟೆಲಿನಲ್ಲಿ ಊಟ ನಿರಾಕರಿಸಿರಬಹುದಾದ ಅಮೇರಿಕೆಯಲ್ಲಿ ಇಂದು ನಿಮ್ಮೆಲ್ಲರೆದುರಿಗೆ ಸತ್ಯಪ್ರತಿಜ್ಞೆ ಸ್ವೀಕರಿಸಲು ನಿಂತಿದ್ದೇನೆ ಎಂದು ಭಾವುಕರಾದ ಒಬಾಮ ನುಡಿದರು.

ಕಸಬ ಪಾಕಿ ಅಂತ ಇಮ್ರಾನ್ ಖಾನ್ಗೂ ಗೊತ್ತು, ಜ್ಯರ್ದಾರಿಗೂ ಗೊತ್ತು, ಗೀಲಾನೀಗೂ ಗೊತ್ತು ಮತ್ತು ಇವರ ತಾತ ಮುತ್ತಾತಂದಿರಿಗೂ ಗೊತ್ತು. ಕಸಬ ಯಾರೂಂತ ನಮಗೆ ಗೊತ್ತಿಲ್ಲ ಎಂದು ಪಾಕ್ ಹೇಳಿದ್ದು time buying tactics. ಇದಕ್ಕೆ ನಮ್ಮ ರಾಜಕಾರಣಿಗಳು ಗೋಣು ಹಾಕಿದ್ದು ನಮ್ಮ ದೌರ್ಭಾಗ್ಯ.

 

ಮುಂಬೈ ನರಹತ್ಯೆ ನಡೆದ ಮಾರನೆ ದಿನವೇ ನಮ್ಮ ವೈಮಾನಿಕ ದಳಕ್ಕೆ ಆಜ್ಞೆ ಕೊಟ್ಟಿದ್ದರೆ ಪಾಕ್ ಆಕ್ರಮಿತ ಕಾಶ್ಮೀರದ ಎಲ್ಲಾ ಭಯೋತ್ಪಾದಕ ಕೇಂದ್ರಗಳನ್ನು ಪಾಕಿಗಳಿಗೆ ಗೊತ್ತಾಗುವ ಮೊದಲೇ ಚಿಟಿಕೆ ಹೊಡೆಯುವಷ್ಟರಲ್ಲಿ ಭಸ್ಮ  ಮಾಡಬಹುದಿತ್ತು. ಆದರೆ ಅದಕ್ಕೆ ಬೇಕಾದ ಎದೆಗಾರಿಕೆ ಎಲ್ಲಿಂದ ತರೋದು? pok ಮರಳಿ ಪಡೆಯುವ ಸುವರ್ಣಾವಕಾಶವನ್ನು ನಾವು ಬಿಟ್ಟೆವು. ಈಗ ಹಲುಬಿ ಪ್ರಯೋಜನವಿಲ್ಲ.

 

ಇನ್ನು ಮುಂಬೈ ಸಾಕ್ಷ್ಯಗಳನ್ನು ಪಾಕಿಗೆ ಹಸ್ತಾಂತರಿಸುವ ಬದಲು ಲುಚ್ಚಾ ಅಮೇರಿಕೆಗೆ ಕೊಟ್ಟಿದ್ದು ನನಗೆ ಕಗ್ಗಂಟು.  ಅಮೇರಿಕಾ ನಮ್ಮ ಮಿತ್ರನಲ್ಲ. ಎಂದೂ ನಮ್ಮ ಮಿತ್ರನಾಗಿರಲಿಲ್ಲ. ಸಾಕ್ಷ್ಯಾಧಾರಗಳನ್ನು ಪಾಕಿಗೆ ಕೊಟ್ಟು ಕೂಡಲೇ ಅಪರಾಧಿಗಳನ್ನು ನಮಗೆ ಒಪ್ಪಿಸಲು ಕಾಲದ ಗಡುವು ಕೊಡೊ ಬದಲು ವಾಷಿಂಗ್ಟನ್ ಯಾತ್ರೆಗೆ ಚಿದಂಬರಂ ಆಗಲೀ ಮುಖರ್ಜೀ ಹೋಗುವ ಮರ್ಮ ಏನು ಅನ್ನುವುದೇ ರಹಸ್ಯ.

 

ಯಾವುದಕ್ಕೂ ಪಡೆದುಕೊಂಡು ಬರಬೇಕು ಅಂತಾರಲ್ಲ ಹಾಗೆ ನಮಗೆ ಸಿಕ್ಕ ನಾಯಕರಿಂದ ಹೆಚ್ಚಿನದನ್ನು ನಿರೀಕ್ಷಿಸುವುದು ಸರಿಯಲ್ಲವೇನೋ.  

 

ಬೈ ಬೈ ೨೦೦೮, ಹಾಯ್ ಹಾಯ್ ೨೦೦೯

ಹೊಸ ವರುಷದ ಹಮ್ಮು ಬಿಮ್ಮಿಗೆ ನಾವು ನಮ್ಮನ್ನೊಡ್ಡಿಕೊಳ್ಳುವ ಮೊದಲು ಸಂದು ಹೋದ ವರುಷದ ಆಗು ಹೋಗುಗಳನ್ನು ನೋಡೋಣ.

 ವೈಯಕ್ತಿವಾಗಿ ೨೦೦೮ರ ಆರಂಭ excitement ಮೂಲಕ ಆಯಿತು. ನಮ್ಮ ಮನೆ ಹಾಗೂ ಮನವನ್ನು  ಬೆಳಗಲು ಮಗಳ ಹುಟ್ಟು. ಅವಳಿಗಿಟ್ಟ ಹೆಸರು “ಇಸ್ರಾ ಮರ್ಯಮ್” ಎಂದು. ಇಸ್ರಾ ಅಂದರೆ “ದಿವ್ಯ ನಿಶಾ ಪಯಣ” ಹಾಗೂ ಮರ್ಯಮ್, “ಯೇಸು ಕ್ರಿಸ್ತರ ( ಈಸಾ ) ಮಾತೆ”.

 

ಬೀಜಿಂಗ್ ಒಲಂಪಿಕ್ಸ್, ಮೀನನ್ನು ನಾಚಿಸಿದ ಅಮೆರಿಕೆಯ ಮೈಕೆಲ್ ಪ್ಹೆಲ್ಪ್ಸ್, ಚಂದ್ರಯಾನ, ಮುಂಬೈ ನರಹತ್ಯೆ, ಒಬಾಮ, ಆರ್ಥಿಕ ಹಿಂಜರಿತ ( recession ), ಸೊಮಾಲಿಯಾದ ಕಡಲ್ಗಳ್ಳರು, ಅರವಿಂದ್ ಅಡಿಗರ ಬಿಳಿ ಹುಲಿ, ಮಧ್ಯಪೂರ್ವದಲ್ಲಿ ಇಸ್ರೇಲಿಗಳ ನರಸಂಹಾರ.. ಇವು ವಿಶ್ವಕ್ಕೆ ೨೦೦೮ರ ಕೊಡುಗೆಗಳು.         

ಮುಂಬೈಯಲ್ಲಿ ಪಾಕಿಗಳು ನಡೆಸಿದ ನರಸಂಹಾರ ಈ ದೇಶದ ವಿರುದ್ಧ ಸಾರಿದ ಯುದ್ಧ. ನಮ್ಮ ಪ್ರತಿಷ್ಠೆ, ಗೌರವ ಹಾಗೂ ಸ್ವಾಭಿಮಾನವನೆಲ್ಲ ಈ ಒಂದು ಘಟನೆ ಮಣ್ಣು ಪಾಲು ಮಾಡಿ ಬಿಟ್ಟಿತು. ದಕ್ಷ ಅಧಿಕಾರಿ ಹೇಮಂತ್ ಕರ್ಕರೆ, ಅನಾಥವಾದ ಆ ಯಹೂದಿ ಹಸುಳೆ ಮತ್ತು ೨ ವರ್ಷದ ಆಮಿನ; ಇವರ ಮುಖಗಳು ಕಣ್ಣಿನಿಂದ ಮರೆಯಾಗುತ್ತಿಲ್ಲ. ಈ ಕೃತ್ಯ ಎಸಗಿದ ಪಿಪಾಸುಗಳಿಗೆ ದೇವರು ಅದ್ಯಾವ ಶಿಕ್ಷೆ ಇಟ್ಟಿದ್ದಾನೋ?

ಆದರೆ ಈ ಮಹಾ ದುರಂತ ಹಾಗೇ ನಮ್ಮ ನೆನಪಿನಿಂದ ಮರೆಯಾಗಲು ಬಿಡಕೂಡದು.

ನಾವೀಗ ಮಾಡಬೇಕಾದದ್ದಿಷ್ಟೇ. ಶತ್ರು ಪಾಕಿಸ್ತಾನದ ಹಿಡಿತದಲ್ಲಿರೋ ಕಾಶ್ಮೀರವನ್ನು ಆಕ್ರಮಿಸಿ ಹಿಂದಕ್ಕೆ ಪಡೆದು ಶತ್ರು ರಾಷ್ಟ್ರದ ೨೫ ಕಿಲೋಮೀಟರು ಪ್ರದೇಶವನ್ನು buffer zone ಆಗಿ ಘೋಷಿಸಿ ಇನ್ನು ಮುಂದೆ ಒಂದೇ ಒಂದು ಪಾಕಿ ಹುಳು ಸಹ ನಮ್ಮ ಗಡಿಯೊಳಗೆ ನುಗ್ಗದಂತೆ ಮಾಡಬೇಕು.

ಪಾಕ್ ವಿದ್ಯಾರ್ಥಿಗಳಿಗೆ ವೀಸಾ ಕೊಡಬಾರದು,

ಪಾಕ್ ರೋಗಿಗಳಿಗೆ ಭಾರತಕ್ಕೆ ಚಿಕಿತ್ಸೆಗಾಗಿ ಬರಲು ಅನುಮತಿ ಕೊಡಬಾರದು,

ಪಾಕ್ನೊಂದಿಗೆ ಯಾವ ವ್ಯಾಪಾರ ಸಂಬಂಧವೂ ಇರಕೂಡದು.

ಆದರೆ ಇದನ್ನೆಲ್ಲಾ ಈ ನಿರ್ವೀರ್ಯ ಸರಕಾರದಿಂದ ನಾವು ನಿರೀಕ್ಷಿಸಲು ಸಾಧ್ಯವೇ?

ಕೊನೆಯದಾಗಿ, ನಾವೆಲ್ಲ ಭಾರತೀಯರು ಒಂದಾಗಬೇಕು. ಜಾತಿ, ಮತ, ಭಾಷೆ, ಪ್ರದೇಶಗಳ ಹೆಸರಿನಲ್ಲಿ ಕಚ್ಚಾಡುವುದನ್ನು ಮೊದಲು ನಿಲ್ಲಿಸಬೇಕು. ಹಿಂದೂ ಹಾರಿಸಿದ ಗಾಳಿಪಟ ನನ್ನ ಹೆಂಚಿನ ಮೇಲೆ ಬಿತ್ತು ಎಂದು ಮುಸಲ್ಮಾನರು ಹಿಂದೂಗಳ ಕೊರಳು ಪಟ್ಟಿ ಹಿಡಿಯುವುದೋ, ನಮ್ಮ ಹುಡುಗಿಯನ್ನ ಚುಡಾಯಿಸಿದ ಅಂತ ಹಿಂದೂಗಳು ಮುಸಲ್ಮಾನರ ಬದುಕು ನರಕ ಮಾಡುವುದೋ ನಿಲ್ಲಬೇಕು. ನಮ್ಮಲ್ಲಿನ ಇಂಥ ಸಣ್ಣ, ಸಣ್ಣ ಒಡಕುಗಳನ್ನು ಉಪಯೋಗಿಸಿ ಪಾಕಿ ಪಾತಕಿಗಳು ದೊಡ್ಡ, ದೊಡ್ಡ ಹುನ್ನಾರಗಳನ್ನು ಈ ದೇಶದ ವಿರುದ್ಧ ಮಾಡುತ್ತಿದ್ದಾರೆ.  

ಬನ್ನಿ, ನಾವೆಲ್ಲ ಒಂದಾಗೋಣ. ಒಂದು ಮುಂಬೈ ಅಲ್ಲ ಇನ್ನು ನೂರು ಮುಂಬೈ ರೀತಿಯ ಅನಾಹುತವಾದರೂ ಈ ಮಹಾನ್ ದೇಶವನ್ನು ಅಳಿಸಲು ಯಾರಿಂದಲೂ ಸಾಧ್ಯವಿಲ್ಲ.

ಮೇರ ಭಾರತ್ ಮಹಾನ್, ಎಂದಿಗೂ ಮಹಾನ್ ಆಗೇ ಇರಲಿ.

ಜೈ ಹಿಂದ್!!!

The AccoLade ಎನ್ನೋ ರಾಕ್ ಬ್ಯಾಂಡ್ ಈಗ ಹೆಚ್ಚು ಸುದ್ದಿಯಲ್ಲಿದೆ. ಇದರಲ್ಲೆನಪ್ಪ ವಿಶೇಷತೆ ಎಂದು ನೀವು ಕೇಳಬಹುದು, ಇದು ಒಂದು ಬರೇ ಯುವತಿಯರ ಬ್ಯಾಂಡ್, ಇದರಲ್ಲೂ ವಿಶೇಷತೆ ಇಲ್ಲ ಎನ್ನಿ. ವಿಶ್ವದಾದ್ಯಂತ ಹರಡಿವೆ ಇಂಥ all girls bandಗಳು. ಈಗ fact of the matter ಗೆ ಬರೋಣ.

The AccoLade ಹೆಸರಿನ ಈ ಯುವತಿಯರ ಬ್ಯಾಂಡ್ ಇರುವುದು ಕಟ್ಟಾ ಸಂಪ್ರದಾಯವಾದಿ ರಾಷ್ಟ್ರವಾದ ಸೌದಿ ಅರೇಬಿಯದಲ್ಲಿ. ಓಹ್ ನಿಜವೇನ, ಇಲ್ಲ ತಲೆ ಗಿಲೆ ಕೆಟ್ಟಿದೆಯೋ ಎಂದು ಕೇಳಬೇಡಿ. ಸೌದಿ ಅರೇಬಿಯಾದ ಮಹಾನಗರ ಜೆಡ್ಡಾದಲ್ಲಿರುವ ಯುವತಿಯರು ಇದನ್ನು ಪ್ರಾರಂಭಿಸಿದ್ದು ಹಗಲಿನಲ್ಲಿ university ಸಂಜೆಯಾದ ಕೂಡಲೇ jam baby ಜಾಮ್ ಎಂದು ಡ್ರಮ್ ಬಾರಿಸುತ್ತಾರೆ. ಈಗಾಗಲೇ ತಮ್ಮ ಹಾಡುಗಳನ್ನು facebook, myspace ಸೈಟ್ಗಳಲ್ಲಿ ಹಾಕಿರೋ ಈ ತರುಣಿಯರು ಹಲವು ದೇಶಗಳಿಂದ ಕೇಳುಗರನ್ನು ಆಕರ್ಷಿಸುತ್ತಿದ್ದಾರೆ. 

ಮಹಿಳೆಯರಿಗೆ ಡ್ರೈವಿಂಗ್ ಸಹ ನಿಷಿದ್ಧವಾದ ಈ ದೇಶದಲ್ಲಿ ಹೀಗೆ ಚಳಿ, ಭಯ ಬಿಟ್ಟು rock band ಆರಂಭಿಸಿರೋ ಲಲನಾಮಣಿಗಳಿಗೆ ಶುಭ ಕೋರೋಣವೇ?