Uncategorized

anni-war-sary

bhadravathi, , , ನಿಮ್ಮ ಟಿಪ್ಪಣಿ ಬರೆಯಿರಿ

funnyಮನೆಯೊಡತಿ ಮಾತನ್ನು veto ಮಾಡಿದರೆ ಶುರು ಸಂಗೀತ ಸಂಜೆ. ಹರಿಕಥೆಯಾದರೂ ಅನ್ನಿ. ಯಾವುದಕ್ಕೂ ಬಂತು ಪಾತ್ರೆಗಳಿಗೆ ತಾಪತ್ರಯ. ಧಡಲ್, ಭಡಲ್, ದಬರಿಯಿಂದ ಬಾಂಡ್ಲಿ ವರೆಗೆ ಎಲ್ಲವಕ್ಕೂ ಮಂಗಳಾರತಿ. ಮಹಿಳೆಯರಿಗೆ ಕೋಪ ವ್ಯಕ್ತಪಡಿಸಲು ಹಲವಾರು ಮಾರ್ಗಗಳು. ಸೌಟು, ಗ್ಯಾಸ್ ಲೈಟರ್. ನಮಗೋ? ಬಡವನ ಕೋಪ ದವಡೆಗೆ ಮೂಲ, ದನಗಳ ಥರ ಕೋಪವನ್ನು ದವಡೆಗಿಟ್ಟು ಅಗಿಯುತ್ತಾ ಕೂರಬೇಕು. ಕೆಲವೊಮ್ಮೆ ಅಡುಗೆ ಮನೆಗೆ ಕಾಲಿಡುವಾಗ ಪಾತ್ರೆ ಪಗಡಿಗಳು ದೀನವಾಗಿ ನನ್ನನ್ನು ನೋಡಿ ಈಗ ಅದ್ಯಾವ ಹೊಸ scandal ತಂದೆಯಪ್ಪಾ ನಮ್ಮ ಜೀವನ ನರಕ ಮಾಡಲು ಎಂದು ಕರುಣೆಯಿಂದ ನೋಡುತ್ತವೆ. ಗ್ರಾನೈಟ್ ಮೇಲೆ ಕುಟ್ಟಿಸಿ ಕೊಂಡು ಮುಖ ಮೂತಿ ಕಳೆದುಕೊಂಡಿರುವ ಪಾತ್ರೆಗಳ ಹಾಗೆಯೇ bachelorhood ಕಳಕೊಂಡ ಗಂಡಿನ ಬಾಳು. customer is always right, ಆದರೆ ಸಂಸಾರದಲ್ಲಿ ಹೆಂಡತಿಯೇ ರೈಟ್. ಕೆಲವೊಮ್ಮೆ customer is always the loser, ಸಂಸಾರ ರಥದಲ್ಲಿ ಇದರ ಪಟ್ಟ ಗಂಡಿಗೆ. ನಮ್ಮ ಹಣೆಯಲ್ಲಿ ಗೆಲುವನ್ನು ಬರೆಯಲು ಮರೆತ ಗಂಡಸಾದ ಆ ಪರಮಾತ್ಮ. ನಿಲ್ಲಿ, ನಿಲ್ಲಿ. ಒಂದು ಮಾತು ನೆನಪಿಗೆ ಬಂತು.  “ಹೆಣ್ಣು ಎಷ್ಟು ಬೇಗ ಮದುವೆ ಆಗುತ್ತಾಳೋ ಅಷ್ಟು ಲಾಭಕರ ಅವಳಿಗೆ, ಗಂಡು ಎಷ್ಟು ತಡ ಮಾಡುತ್ತಾನೋ ಅಷ್ಟು ಲಾಭಕರ ಅವನಿಗೆ”. 

ನಿಜಾನಾ?

 ಮದುವೆ ಅನ್ನೋ ವಿಶೇಷವೇ ಹೀಗೆ, ಹಳೆ ಗಾದೆಗಳೆಲ್ಲ ನೆನಪಿಗೆ ಬಂದು ಬಿಡುತ್ವೆ.

 ಈಗಿನ ಹೊಸ ತಗಾದೆ ಎಂದರೆ wedding anniversary ಮಾಡಬೇಕು. ನಾನು, ಅದು ನಮ್ಮ ಸಂಸ್ಕಾರ ಅಲ್ಲ ಎಂದರೆ ಕುಕ್ಕರ್ ಅನ್ನು ಕೌಂಟರ್ ಟಾಪಿನ ಮೇಲೆ ಕುಕ್ಕಿ ಹೇಳುತ್ತಾಳೆ, ಇಂಗ್ಲಿಷ್ ಹಾಡು ಕೇಳಲು ಸಂಸ್ಕಾರ ಅಡ್ಡ ಬರೋದಿಲ್ಲವಲ್ಲ? facebook ನಲ್ಲಿ ಕಾಲ ಕಳೆಯಲು ಸಂಸ್ಕೃತಿ ತಗಾದೆ ಮಾಡೋದಿಲ್ವಲ್ಲ?

If I lay here, If I just lay here, Would you lie with me, And just forget the world?

ಗುನುಗಿಸುತ್ತಾ follow on ಪಡೆದ ಪೆಚ್ಚು ಮೋರೆಯ ನಾಯಕನಂತೆ ಮೆಲ್ಲನೆ ಅಡುಗೆ ಮನೆಯಿಂದ  ಹೊರ  ನಡೆಯುತ್ತೇನೆ.

 ನಿಮ್ಮಲ್ಲಿ ಒಂದು ಸೀಕ್ರೆಟ್:  ನಾನೇನಾದರೂ ಮನಸ್ಸು ಬದಲಾಯಿಸಿ ಅನ್ನಿವೆರ್ಸರಿ ಗೆ ಒಪ್ಪಿದ್ದೇ ಆದರೆ ಅವಳ ಗಿಫ್ಟ್ ಏನು ಗೊತ್ತಾ? ಒಂದು ಸುಂದರ ಹಿಡಿಕೆ ಇರುವ ಮೋಹಕ ಸುತ್ತಿಗೆ. ಹೌದ್ರೀ ಸುತ್ತಿಗೆ. ಕೋಪ ಬಂದಾಗ magistrate ಥರ ಕುಟ್ಟುತ್ತಾ ಕೂರಲಿ. 

 ನನ್ನ  ಮಗ ಹುಟ್ಟಿದ್ದು ಮೊರಾರ್ಜಿ ದೇಸಾಯಿ ಹುಟ್ಟಿದ ದಿನ. ಫೆಬ್ರವರಿ ೨೯, ೨೦೦೪. ಲೀಪ್ ಇಯರ್ ನಲ್ಲಿ (ಅಧಿಕ ವರ್ಷ ) ಹುಟ್ಟಿದ ನನ್ನ ಮಗನ ಹುಟ್ಟು ಹಬ್ಬ ೪ ವರ್ಷಗಳಿಗೊಮ್ಮೆ. ಅದನ್ನೂ ಸಹ ಆಚರಿಸಲಿಲ್ಲ ನಾನು, ಏಕೆಂದರೆ  birth ಡೇ ನಮ್ಮ ಸಂಸ್ಕೃತಿಯಲ್ಲ ಎಂದು. ನನ್ನ ಪ್ರೀತಿಯ ocean of pride, river of joy ಆದ ನನ್ನ ಮಗನಿಗೇ ಇಲ್ಲದ ಆಚರಣೆ ಇವಳಿಗ್ಯಾಕೋ ಏನೋ? ಇದೆಲ್ಲಾ ಅವಳಿಗೆ ಬೇಕಿಲ್ಲ. ಈ ಜೂನ್ ೧೧ ಕ್ಕೆ ಮಾಡಲೇಬೇಕು ಅನ್ನಿವೆರ್ಸರಿ.

ನನ್ನ (ಕಾರಾ) ಗೃಹ ವಾಸದ ಅನ್ನಿವೆರ್ಸರಿ.

ಮಹಿಳೆಯರಿಗೆ ತಮ್ಮ ಇನಿಯಂದಿರು ಅವರ ಹುಟ್ಟು ಹಬ್ಬಕ್ಕೆ, anniversary ಮತ್ತೇನೇನು ವಿಶೇಷ ಸಂದರ್ಭಗಳು ವಕ್ಕರಿಸಿ  ಕೊಳ್ಳುತ್ತವೆಯೋ ಅವಕ್ಕೆಲ್ಲ ಕೊಡ ಬೇಕು ಗಿಫ್ಟು, ಆದರೆ ಗಂಡಿಗೆ?. ಅದೇ ಹಳೆ ಬಾಟಾ ಕಂಪೆನಿಯ ಸವೆದ ಎಕ್ಕಡಗಳೋ? ಇದ್ಯಾವ ನ್ಯಾಯವೋ ಏನೋ?

 ಒಟ್ಟಿನಲ್ಲಿ ಮದುವೆಯೆಂಬ ಮೋಜಿನ ಮಜಾ ಉಡಾಯಿಸುತ್ತಿರುವುದು ಮಹಿಳೆಯರೇ, ನಾವಲ್ಲ.

ನಮ್ಮ balance ನಲ್ಲಿ ಮದುಮಗ, ಅಳಿಯಂದಿರು, ಅಂತ ಒಂದಿಷ್ಟು ಅತ್ತೆ ಮನೆಯಲ್ಲಿ ಉಪಚಾರ  ಸಿಗುತ್ತದಲ್ಲ ಅದೇ ಬಾಕಿ. ಅಷ್ಟಕ್ಕೆ ಮತ್ತು ಅಲ್ಲಿಗೇ ಸೀಮಿತ ನಮ್ಮ ಮೋಜು.

ಗಂಡಿನ ಮೋಜು.

ಮೇಣದ ಲೋಕ

bhadravathi, , , , ನಿಮ್ಮ ಟಿಪ್ಪಣಿ ಬರೆಯಿರಿ

tussauds 008ಮೇಣ ಎಂದ ಕೂಡಲೇ ನಾವು ಹಿಡಿ ಹಿಡಿ ಶಾಪ ಹಾಕುವ ಪವರ್ ಔಟೇಜ್ ನೆನಪಿಗೆ ಬಂದು ಬಿಡುತ್ತದೆ. ಮೇಣದ ಉಪಯೋಗ ಹಲವೆಡೆಗಳಲ್ಲಿ ವಿವಿಧ ಉದ್ದೇಶಗಳಿಗಾಗಿ ಬಳಸುತ್ತೇವೆ. ಈ ಆಧುನಿಕ ಇಲೆಕ್ಟ್ರಾನಿಕ್ ಯುಗದಲ್ಲಿ ಇನ್ನೂ ತನ್ನ ಉಪಯುಕ್ತತೆಯನ್ನು ಬಿಟ್ಟು ಕೊಡದೆ ಸೆಣಸುತ್ತಿರುವ ಹಲವು ವಸ್ತುಗಳಲ್ಲಿ ಬಡ ಮೇಣವೂ ಒಂದು.

ಮೇಡಂ ಟುಸ್ಸೋ ( madam tussaud ) ಮೇಣದ ವಸ್ತು ಸಂಗ್ರಹಾಲಯ ಲಂಡನ್ನಿನ ಪ್ರಮುಖ ಆಕರ್ಷಣೆಗಳಲ್ಲಿ ಒಂದು.

ವಿವಿಧ ಕಾರ್ಯಕ್ಷೇತ್ರಗಳಲ್ಲಿ ತಮ್ಮದೇ ಛಾಪು ಮೂಡಿಸಿದ ವ್ಯಕ್ತಿಗಳ ಮೇಣದ ಪ್ರತಿಮೆ ಈ ಸಂಗ್ರಹಾಲಯದಲ್ಲಿ. shakespeare ನಿಂದ ಹಿಡಿದು ಶಾರುಕ್ ಖಾನ್ ವರೆಗೆ ಸಾವಿರಾರು ಖ್ಯಾತ ವ್ಯಕ್ತಿಗಳು ಮೇಣದಲ್ಲಿ ಅಮರರು. ಮಹಾತ್ಮ ಗಾಂಧಿ, ಇಂದಿರಾ ಗಾಂಧಿ, ರಾಜೀವ್ ಗಾಂಧಿ, ಬಚನ್, ಐಶ್ವರ್ಯ, ತೆಂಡೂಲ್ಕರ್, ಕಪಿಲ್ ದೇವ್ ಹೀಗೆ ಸಾಗುತ್ತದೆ ಭಾರತದ ಪಟ್ಟಿ. ಅಮೀರ್ ಖಾನ್ ಮಾತ್ರ ತನ್ನನ್ನು ಮೇಣದ ಮಟ್ಟಕ್ಕೆ ಇಳಿಸಿಕೊಳ್ಳುವುದು ತರವಲ್ಲ ಎಂದೋ ಏನೋ ಒಪ್ಪಲಿಲ್ಲ. ಯುದ್ಧಕೋರರಾದ ಹಿಟ್ಲರ್, ಸದ್ದಾಂ ಇಲ್ಲಿ ರಾರಾಜಿತ. ನಮ್ಮ ಆನೆ ಹಂತಕ ವೀರಪ್ಪನ್ ತನ್ನ ವಿಶಿಷ್ಟ ಮೀಸೆಯೊಂದಿಗೆ  ಇಲ್ಲದಿರುವುದು ಸ್ವಲ್ಪ ಬೇಸರವೇ.

ಮೇಡಂ ಟುಸ್ಸೋ (1761–1850), ಫ್ರಾನ್ಸ್ ದೇಶದವರಾದ ಈಕೆ ವೈದ್ಯರಾದ ತನ್ನ ತಂದೆಯಿಂದ ಕಲಿತರು ಮೇಣದ ಶಿಲ್ಪಕಲೆ.

ಈ ಸಂಗ್ರಹಾಲಯದಲ್ಲಿರುವ ಮೂರ್ತಿಗಳಲ್ಲಿ ಕಿಡಿಗೇಡಿಗಳಿಗೆ ಪ್ರೀತಿಯ ಪ್ರತಿಮೆ ಅಡಾಲ್ಫ್ ಹಿಟ್ಲರ್ ನದು. ಒಂದೆರಡು ಸಲ ಹಿಟ್ಲರ್ ನ ಮೇಲೆ ಧಾಳಿ ಮಾಡಿ ಅವನ ತಲೆಯನ್ನು ಬೇರ್ಪಡಿಸಿದ್ದರು ಪುಂಡರು. ಅವರ ಆಕ್ರೋಶವೂ ಅರ್ಹ್ತವಾಗುವನ್ಥದ್ದೆ. ವಿನಾಕಾರಣ ೬೦ ಲಕ್ಷ ಯಹೂದಿಯರನ್ನು ಸಾವಿನ ಕೂಪಕ್ಕೆ ನೂಕಿದವನಲ್ಲವೇ ಹಿಟ್ಲರ್?  

ನನ್ನ ತಂಗಿಯ ಮಗ ೯ ವರ್ಷದ ಅಯ್ಮನ್ ಲಂಡನ್ ಪ್ಯಾರಿಸ್ ಪ್ರವಾಸದ ವೇಳೆ ಈ ಸಂಗ್ರಹಾಲಯಕ್ಕೆ ಭೇಟಿ ನೀಡಿದಾಗ ತೆಗೆದ ಚಿತ್ರ ಲೇಖನದೊಂದಿಗಿರುವುದು. ಅವನ ಅಮ್ಮ ಫೋಟೋ ಕ್ಲಿಕ್ಕಿಸುವಾಗ ಹೇಳಿಸಿಕೊಳ್ಳದೆಯೇ ತನಗೆ ತಾನೇ ಕೈ ಮುಗಿದು ನಿಂತು ಬಿಟ್ಟ ನಮ್ಮನ್ನು ಪರಂಗಿ ದಾಸ್ಯದಿಂದ ಮುಕ್ತಿ ಗೊಳಿಸಿದ ಮಹಾ ಚೇತನದೆದುರು.

ಇನ್ನೂ ಬೇರೆ ಬೇರೆ ಮಹಾಮಹಿಮರೂ ಇದ್ದರು ಕರಗದ ಮೇಣವಾಗಿ.  ಇವರಾರಿಗೂ ಕೊಡದ ಮರ್ಯಾದೆ ಗಾಂಧೀಜಿಗೆ ಕೊಟ್ಟಿದ್ದು ನನಗೆ ತಿಳಿಯಲಿಲ್ಲ. ಏಕೆಂದರೆ ಅವನು ಕಲಿಯುತ್ತಿರುವುದು British ಶಾಲೆಯಲ್ಲಿ, ಚರ್ಚಿಲ್, ಥ್ಯಾಚರ್, ರಾಣಿ ವಿಕ್ಟೋರಿಯಾ, ಲೇಡಿ ಡಯಾನ ಇವರ ಬಗ್ಗೆಯೇ ಕೇಳಿದ್ದ ಇವನಿಗೆ ಭಾರತದ ನಾಯಕರ ಪರಿಚಯ ಕಡಿಮೆ. ವಿಚಾರಿಸಿದಾಗ ನನಗೆ ಹಾಗೆ ಕೈ ಮುಗಿಯಬೇಕೆಂದು ತೋಚಿತು ಮುಗಿದೆ ಅಷ್ಟೇ ಎಂದು ಭುಜ ಹಾರಿಸಿ ಹೇಳಿದ.

ಯಾರಲ್ಲೂ ಗೌರವ ಮನೋಭಾವ ಹುಟ್ಟಿಸುವಂಥ ವ್ಯಕ್ತಿತ್ವ ಗಾಂಧಿ ತಾತನದು. ಅದು ಅವರನ್ನು ಕೊಂದ ದುಷ್ಟನಿಗೆ ಹೊಳೆಯದೆ ಹೋಯಿತಲ್ಲ ಎಂದು ಕನಿಕರ ತೋರಿತು.

ಬೆಡ್ ಟೈಮ್ ಸ್ಟೋರಿ

bhadravathi, , ನಿಮ್ಮ ಟಿಪ್ಪಣಿ ಬರೆಯಿರಿ

bedtimeನೀವು ಹೇಳುವಿರಾ ಮಕ್ಕಳಿಗೆ ಮಲಗುವಾಗಿನ ಕತೆಗಳನ್ನು? ಸ್ವಲ್ಪ ಕಷ್ಟದ ಕೆಲಸವಾದರೂ ಅದರಲ್ಲಿ ಮಕ್ಕಳಿಗೆ ಸಂತಸವನ್ನಲ್ಲದೆ ನಮಗೂ ಮೋಜನ್ನು ನೀಡುತ್ತದೆ. ಮಾತ್ರವಲ್ಲ ಕೆಲವೊಮ್ಮೆ ನಮ್ಮ ಬಾಲ್ಯದ ಕೆಲವು ಘಟನೆಗಳನ್ನೂ ನೆನಪಿಗೆ ಬರುವಂತೆ ಮಾಡುತ್ತದೆ. ಮಕ್ಕಳಿಗೆ ಕತೆ ಓದುವುದರಿಂದ ಮಕ್ಕಳೊಂದಿಗಿನ ನಮ್ಮ ಬಾಂಧವ್ಯವನ್ನು ದೃಢ ವಾಗಿಸುತ್ತದೆ. ಒಮ್ಮೆ ಜೆದ್ದಾ ದ ರಸ್ತೆಯಲ್ಲಿ ಹಾದು ಹೋಗುವಾಗ ಮಕ್ಕಳಿಗೆ ಓದುವುದನ್ನು ಉತ್ತೇಜಿಸುವ ಬಿಲ್ ಬೋರ್ಡ್ ಕಾಣ ಸಿಕ್ಕಿತು. ಅಲ್ಲಾವುದ್ದೀನ್ ಮಾಂತ್ರಿಕ ದೀಪ ಹಿಡಿದ ಚಿತ್ರದೊಂದಿಗೆ ದಿನದಲ್ಲಿ ಕನಿಷ್ಠ ೧೫ ನಿಮಿಷ ವಾದರೂ ಓದಬೇಕೆನ್ನುವ ಕಿವಿಮಾತನ್ನೂ ಸೇರಿಸಿದ್ದರು.

 

 ನನ್ನ ೫ ವರ್ಷದ ಮಗ ಹಿಶಾಮ್ ನಿಗೆ ದಿನವೂ ನಾನು ಕತೆ ಹೇಳಬೇಕು ಅವನು ಮಲಗುವಾಗ. ಹಿಶಾಮನಿಗೆ ಅವನ ಒಂದೂವರೆ ವರ್ಷದ ಇಸ್ರಾ ಳನ್ನು ಕಂಡರೆ ಆಗದು. ಒಂಥರಾ ಅಸೂಯೆ. ಎಷ್ಟೇ ಬುಧ್ಧಿ ಹೇಳಿದರೂ ಕೇಳುವುದಿಲ್ಲ. ಅವಳು ಕಣ್ಣಿಗೆ ಬಿದ್ದರೆ ಕಟ ಕಟ ಹಲ್ಲು ಮಸೆಯುತ್ತಾನೆ. ಸರಿ ಇದನ್ನೇ ಆಧಾರ ವಾಗಿಟ್ಟುಕೊಂಡು ಒಂದು ಕತೆ ಹೆಣೆದೆ.

” ಒಂದೂರಿನಲ್ಲಿ ಒಬ್ಬ ಹುಡ್ಗನಿದ್ದ, ಅವನಿಗೆ ತನ್ನ ತಂಗಿಯನ್ನು ಕಂಡರೆ ಇಷ್ಟವಿಲ್ಲ. ಯಾವಗಲೂ ಹಲ್ಲು ಕಡಿಯುತ್ತಾನೆ ಅವಳನ್ನು ನೋಡಿ. ಒಂದು ದಿನ ಅವನ ಬಾಯಿಯ ಹಲ್ಲುಗಳು ಸಭೆ ನಡೆಸಿ ಈ ಹುಡುಗ ನಮ್ಮನ್ನು ಕಡಿದು ಕಡಿದೂ ನೋವು ಕೊಡುತ್ತಾನೆ, ಅವನು ಮಲಗಿದಾಗ ನಾವೆಲ್ಲಾ ಎದ್ದು ಓಡಿ ಹೋಗೋಣ ಎಂದು. ಸರಿ ಒಂದು ರಾತ್ರಿ ಹಲ್ಲುಗಳೆಲ್ಲ ಸೇರಿ ಓಡಿ ಬಾತ್ರೂಮಿನ ಕಿಟಕಿಯ ಮೇಲೆ ಅಡಗಿ ಕೂರುತ್ತವೆ. ಹುಡುಗ ಬೆಳಗಾದಾಗ ಹಲ್ಲುಜ್ಜಲು ಹೋಗುತ್ತಾನೆ, ಪೇಸ್ಟ್ ಹಚ್ಚಿ ಕನ್ನಡಿಯ ಮುಂದೆ ನಿಂತಾಗ ಹಲ್ಲುಗಳು ಗೋಚರಿಸುವುದಿಲ್ಲ. ಅಯ್ಯೋ, ನನ್ನ ಹಲ್ಲುಗಳೆಲ್ಲಿ ಎಂದು ಓಡಿ ತನ್ನ ತಾಯಿಗೆ ಹೇಳುತ್ತಾನೆ. ತಾಯಿಯ ಕಣ್ಣಿಗೂ ಕಾಣುವುದಿಲ್ಲ. ಶಾಲೆಗೆ ಹೊತ್ತಾಯಿತೆಂದು ಹುಡುಗ ಶಾಲೆಗೆ ಓಡುತ್ತಾನೆ. ಅಲ್ಲಿ ಅವನ ಗೆಳೆಯರ ಅವನ ಹಲ್ಲಿಲ್ಲದ ಬಾಯಿ ನೋಡಿ ತಮಾಷೆ ಮಾಡಿ ನಗುತ್ತಾರೆ. ಶಿಕ್ಷಕರು ವಿಷಯವೇನೆಂದು ಕೇಳಿದಾಗ ಹುಡುಗ ನಡೆದದ್ದನ್ನು ಹೇಳುತ್ತಾನೆ. ಕೊನೆಗೆ ಅವನ ಶಿಕ್ಷಕರು ಅವನ ಮನೆಗೆ ಬಂದು ನೋಡಿದಾಗ ಹಲ್ಲುಗಳು ಬಾತ್ ರೂಮಿನ ಕಿಟಕಿಯ ಮೇಲೆ ಸಾಲಾಗಿ ಕುಳಿತಿರುತ್ತವೆ. ವಿಚಾರಿಸಿದಾಗ ಹಲ್ಲುಗಳು ನಡೆದದ್ದನ್ನು ಹೇಳುತ್ತವೆ. ಶಿಕ್ಷಕರು ಹಲ್ಲುಗಳ ಮನವೊಲಿಸಿ ಅವನ ಬಾಯಿಗೆ ಮರಳುವಂತೆ ಮಾಡುತ್ತಾರೆ. ಮತ್ತು ಹುಡುಗನಿಗೆ ತಾಕೀತು ಮಾಡುತ್ತಾರೆ ಇನ್ನೊಮ್ಮೆ ನಿನ್ನ ತಂಗಿಯನ್ನಾಗಲಿ ನೋಡಿ ಹಲ್ಲು ಮಸೆದರೆ ಹಲ್ಲುಗಳು ಎಂದಿಗೂ ಮರಳುವುದಿಲ್ಲ ಜೋಕೆ ಎಂದು ಹೇಳಿ ಹೋಗುತ್ತಾರೆ”.

ಈ ಕತೆ ಕೇಳಿದ ನಂತರ ನನ್ನ ಮಗ ಹಲ್ಲು ಮಸೆಯುವುದನ್ನು ಸ್ವಲ್ಪ ದಿನದ ಮಟ್ಟಿಗೆ ನಿಲ್ಲಿಸಿದ.

he has a crush on a girl

bhadravathiನಿಮ್ಮ ಟಿಪ್ಪಣಿ ಬರೆಯಿರಿ

he has a crush on a girl

bakugan ಹೊಸ ಕಾರ್ಟೂನ್ ಚಿತ್ರ. ಮಕ್ಕಳ ಕಲ್ಪನಾ ಶಕ್ತಿಯನ್ನು ಹಿಡಿದಿಟ್ಟ ಈ ಚಿತ್ರ ಈಗ latest craze. ಈ ಚಿತ್ರದ ಬಗ್ಗೆ ಮಾತನಾಡುತ್ತಾ ನನ್ನ ತಂಗಿಯ ೭ ವರ್ಷದ ಮಗ ತನ್ನ ೯ ಅಣ್ಣನಿಗೆ ಮೇಲಿನ ಮಾತುಗಳನ್ನು ಹೇಳಿದ. he has a crush on a girl. ಈ  ಚಿತ್ರದ ನಾಯಕನಿಗೆ ಪ್ರೇಮಾಂಕುರ ಆಗಿದೆಯಂತೆ. ಈಗಿನ ಮಕ್ಕಳ ಮಾತಿನ ಧಾಟಿ ಇದು. ಈಗಲೇ ಲವ್ವು ಗಿವ್ವು. ನಾವು ಚಿಕ್ಕವರಿದ್ದಾಗ ಈ ಮಾತುಗಳನ್ನು ಆಡುವುದಿರಲಿ, ಕೇಳಿಯೂ ಇರಲಿಲ್ಲ.

ಕಾಲ ಬದಲಾಯಿತು, ಅದರೊಂದಿಗೆ ಮಾತೂ ಕೂಡಾ.

ಬುಧ್ಧನ ಪಲಾಯಾನ

bhadravathi, , , ನಿಮ್ಮ ಟಿಪ್ಪಣಿ ಬರೆಯಿರಿ

ಬುಧ್ಧನ ಪಲಾಯಾನ
ಬುದ್ಧಂ ಶರಣಂ ಗಚ್ಚಾಮಿ, ಧರ್ಮಂ ಶರಣಂ ಗಚ್ಚಾಮಿ ಎನ್ನುತ್ತಾ ಇರು ಎಂದ ಓರ್ವ ತರುಣನಿಗೆ ಡಿಸ್ಕೋ ಬ್ಯಾಂಡ್ ಪಸಂದ್ ಆಗಿ ಆಶ್ರಮ ಬಿಟ್ಟು ಓಡಿದ. ದಲೈ ಲಾಮ ತಮ್ಮ ಅವತಾರ ಎಂದು ನೇಮಿಸಿದ್ದ ಒಸೇಲ್ ಹಿತಾ ತೋರ್ರೆಸ್ ಗೆ ತೋಚಿದ್ದು ತಾನು ಸುಳ್ಳಿನ ಬದುಕನ್ನು  ಬದುಕುತ್ತಿದ್ದೇನೆಂದು. “It was like living a lie,” 

೫ ತಿಂಗಳ ಮಗುವಾಗಿದ್ದಾಗ ಈತನನ್ನು ಆಶ್ರಮದಲ್ಲಿ ನೋಡಿದ ಒಬ್ಬರು ಇವನಲ್ಲಿ ದಲೈ ಲಾಮರ ಅವತಾರವನ್ನು ಕಂಡರು. ೧೯೮೬ ರಲ್ಲಿ ಈತನಿಗೆ ೧೪ ತಿಂಗಳು ವಯಸ್ಸಾದಾಗ ಅವನ ಪಾಲಕರು ಧರ್ಮಶಾಲೆಗೆ ದಲೈ ಲಾಮರಲ್ಲಿ ಕರೆತಂದರು ಮತ್ತು ೯ ಮಕ್ಕಳಲ್ಲಿ ಲಾಮಾರ ಅವತಾರವಾಗಲು ಇವನನ್ನು ಚುನಾಯಿಸಲಾಯಿತು.
ನನ್ನನ್ನು ನನ್ನ ಪಾಲಕರಿಂದ ದೂರ ಮಾಡಿ ಮಧ್ಯ ಯುಗದ ಜೀವನಕ್ಕೆ ನನ್ನನ್ನು ತಳ್ಳಿದರು ಎಂದು ದೂರುವ ಈತ ಈ ಜೀವನದಿಂದ ಬಹಳಷ್ಟು ನರಳಿದ್ದೇನೆ ಎಂದು ಹೇಳುತ್ತಾನೆ.

ದೇವರು ಮನುಷ್ಯನನ್ನು ತನ್ನ ಅವತಾರ ಎಂದು ಸೃಷ್ಟಿಸಿ ಅವನಿಗಾಗಿಯೇ ಸಕಲ ವಸ್ತುಗಳನ್ನೂ ಸೃಷ್ಟಿಸಿ ಸುಖಿಸು ಎಂದರೆ ದೇವನ ಅಪ್ಪಣೆಗೆ ವಿರುದ್ಧವಾಗಿ ನಾವು ನಡೆದು  ವಿರಕ್ತರಾದರೆ ಇದೇ ಪರಿಸ್ಥಿತಿಯೋ ಏನೋ?

ಮತ್ಸ್ಯಗಂಧ ಎಕ್ಸ್ಪ್ರೆಸ್

bhadravathi, , , ನಿಮ್ಮ ಟಿಪ್ಪಣಿ ಬರೆಯಿರಿ

ನನ್ನ ತಂದೆಯವರಿಗೆ ಮೀನೆಂದರೆ ಪ್ರಾಣ. ದಿನವೂ ಬೇಕೇ ಬೇಕು ಮೀನು. ಮನೆಗೆ ಮೀನು ಬಂದ ಕೂಡಲೇ ಅದರೊಂದಿಗೆ ಬರುತ್ತವೆ ಒಂದೆರಡು ಬೆಕ್ಕುಗಳು. ಮೀನಿನ ರೆಕ್ಕೆ, ಬಾಲ ಇನ್ನೇನಾದರೂ ಉಳಿದ ತುಂಡುಗಳನ್ನು ತಿನ್ನಲು. ಇಂದು ಬಹಳ ಆಸೆಯಿಂದ ೬೦೦ ಗ್ರಾಂ ತೂಕದ ಒಂದು ಮೀನನ್ನು ಮನೆಗೆ ತಂದು ತಾಯಿಗೆ ನೀಡಿದರು. ಸ್ವಲ್ಪ ಸಮಯದ ನಂತರ ಕತ್ತಿರಿಸೋಣ ಅಂತ ಮೀನನ್ನು ತಟ್ಟೆಯ ಮೇಲಿಟ್ಟು ಫ್ರಿಜ್ನ ಮೇಲಿಟ್ಟು ಸೀರಿಯಲ್ ನೋಡಲು ಕೂತರು. ಒಂದರ್ಧ ಘಂಟೆಯ ನಂತರ ಮೀನನ್ನು ಕ್ಲೀನ್ ಮಾಡಲು ಫ್ರಿಜ್ನ ಮೇಲಿನ ತಟ್ಟೆಯನ್ನು ತೆಗೆದರೆ ತಟ್ಟೆ ಮಾತ್ರ ಇತ್ತು, ಮೀನು ಇರಲಿಲ್ಲ. ಅರ್ರ್ರೆ, ಇದೇನು ಈಗತಾನೇ ಇತ್ತ ಮೀನು ಎಲ್ಲಿ ಹೋಯಿತು ಎಂದು Stealing_Fish_by_LoneDollಹುಡ್ಕಿದರೆ ಸಿಗುವುದಾದರೂ ಎಲ್ಲಿ. ಬೆಕ್ಕಿನ ಉದರ ಸೇರಿತ್ತು ಮೀನು. ಕಳ್ಳ ಬೆಕ್ಕು ಅಮ್ಮ ಸೀರಿಯಲ್ಲಿನಲ್ಲಿ ಮಗ್ನರಾಗಿದ್ದನ್ನು ನೋಡಿ ಸದ್ದಿಲ್ಲದೆ ಅಷ್ಟೆತ್ತರದ ಫ್ರಿಜ್ಜಿನ ಮೇಲೆ ನೆಗೆದು ತನ್ನ ಮಿಕವನ್ನು ಎಗರಿಸಿ ಓಟ ಕಿತ್ತಿತ್ತು. ಮತ್ಸ್ಯಾ ಅಪಹರಣದ ಸುದ್ದಿಯನ್ನು ಅಮ್ಮ ಅಪ್ಪನಿಗೆ ಮುಟ್ಟಿಸಿದಾಗ ತಂದೆಗೆ ಎಲ್ಲಿಲ್ಲದ ಕೋಪ. ಬೆಳಿಗ್ಗೆ ಹನ್ನೊಂದಕ್ಕೆ ಮೀನನ್ನು ಎಗರಿಸಿಕೊಂಡು  ಹೋದ ಬೆಕ್ಕು ಚೆನ್ನಾಗಿ ತಿಂದು ಒಂದು ಗಡದ್ದಾಗಿ ನಿದ್ದೆ ಹೊಡೆದು ಬಂತು ಸುಮಾರು ನಾಲ್ಕರ ಸಮಯಕ್ಕೆ ಕಳ್ಳ ನಗೆ  ಬೀರುತ್ತಾ.

ಪ್ರಜಾ ಪ್ರಭುತ್ವದ ಯುದ್ಧ

bhadravathiನಿಮ್ಮ ಟಿಪ್ಪಣಿ ಬರೆಯಿರಿ

ಮಹಾ ಸಮರ ಸೆಣಸಿ ಆಯಿತು. ಭಾಜಪ ಮುಕ್ಕಿತು ಮಣ್ಣು, ಕಾಂಗ್ರೆಸ್ ಗೆ ದಕ್ಕಿತು ಹಣ್ಣು. ಮಾಯೆಯ ಆಸೆ ದಿಲ್ಲಿ ಸೇರಲಿಲ್ಲ, ಮಮತೆಗೆ ಒಲಿಯಿತು ಅದೃಷ್ಟ. ಎಡಿಯೂರಪ್ಪನವರ ವೈಯಕ್ತಿಕ ಆಸೆ ( ಮಗ ಗೆಲ್ಲುವ ) ಈಡೇರಿದರೂ ತನ್ನ ಪಕ್ಷಕ್ಕೆ ಅಧಿಕ ಸೀಟ್ಗಳನ್ನು ಕೊಡಿಸದಾದರು. ಪಕ್ಕದ ರಾಜಶೇಖರ ರೆಡ್ಡಿಗೆ ಖುಲಾಯಿಸಿತು ಲಾಟರಿ. ಕೇರಳ, ಬಂಗಾಳದಲ್ಲಿ ಕುಡುಗೋಲಿಗೆ  ಹಿಡಿಯಿತು ತುಕ್ಕು. ಯುವರಾಜ ರಾಹುಲನ ಪಟ್ಟಾಭಿಷೇಕಕ್ಕೆ ಅನುವು ಮಾಡಿ ಕೊಟ್ಟಿತು ಈ ಚುನಾವಣೆ. ಮನಮೋಹನ ಸಿಂಗಾರ ಮೋಹಕ ನಗೆಗೆ, ಸೋನಿಯಾರ ಮಾಂತ್ರಿಕ ಕೈಗೆ ಒಲಿಯಿತು ದೇಸ.  

ಯಾರೇ ಕೂಗಾಡಲಿ, ಯಾರೇ ಹೋರಾಡಲಿ, ನನ್ನ ನೆಮ್ಮದಿಗೆ ಭಂಗವಿಲ್ಲ, ಎಮ್ಮೇ ನಿನಗೆ ಸಾಟಿಯಿಲ್ಲ, ಬಿಸಿಲು ಮಳೆಗೆ ಬಿರುಗಾಳಿ ಚಳಿಗೆ ನೀ ಅಳುಕದೆ ಮುಂದೇ ಸಾಗುವೆ.. ಅರೆ ವೈ.. ಅರೆ ವೈ.. ಅರೆ ವೈ..ಅರೆ ವೈ.. ಡುರ್ರ್ ಬಿಯಾ, ಅಂತ ನಮ್ಮ ಮತ್ತು ಎಮ್ಮೆಯ ಬದುಕು ನೆಮ್ಮದಿಯಾಗಿ ಸಾಗಿದರೆ ಸಾಕು.

ರೆಡ್ ಲೈಟ್ ಏರಿಯಾದಿಂದ

bhadravathiನಿಮ್ಮ ಟಿಪ್ಪಣಿ ಬರೆಯಿರಿ

ಮನೆಯಿಂದ ಆಫೀಸಿಗೆ ಕೇವಲ ೧೦ ನಿಮಿಷಗಳ drive ಮತ್ತು ಒಂದೇ ಒಂದು ಸಿಗ್ನಲ್ ನ ಭೆಟ್ಟಿ. ಆದರೆ ಕೆಲಸ ನಿಮಿತ್ತ ಪ್ರತಿದಿನ ಕನಿಷ್ಠ ೧೦೦ ಕಿಲೋಮೀಟರು ಓಡಾಟ ನಗರದ ಪರಿಮಿತಿಯೊಳಗೆ. ಜನನಿಬಿಡವಲ್ಲದಿದ್ದರೂ “ಜೆಡ್ಡಾ” ನಗರದಲ್ಲಿ ವಾಹನಗಳ ಸಂಖ್ಯೆ ಅತ್ಯಧಿಕ. ಸಿಗ್ನಲ್ನ ಸಮೀಪ ಬಂದರೂ ವಾಹನಗಳು ಮುಂದಕ್ಕೆ ಹರಿಯುವುದಿಲ್ಲ. ಕೆಲವೊಮ್ಮೆ ೩-೪ ಸಿಗ್ನಲ್ ಕಾಯಬೇಕು. ಹೀಗೆ ಸಿಗ್ನಲ್ಲುಗಳು ಗೋಸುಂಬೆಯ ಹಾಗೆ ಬಣ್ಣ ಬದಲಿಸುವುದನ್ನು ನೋಡುತ್ತಾ ಕೂತಾಗ ಹಲವು ಚಟುವಟಿಕೆಗಳು ಸಿಗ್ನಲ್ ಕಂಬದ ಸುತ್ತ ನಡೆಯುತ್ತಿರುತ್ತದೆ. ಕೆಂಪು ಬಣಕ್ಕೆ ತಲೆಬಾಗಿ ವಾಹನಗಳು ನಿಲ್ಲುತ್ತಿದ್ದಂತೆಯೇ ಒಂದು ಚಿಕ್ಕ shopping arena ತೆರೆದು ಕೊಳ್ಳುತ್ತದೆ, a floating shopping arena. ಸುಮಾರು ೬೫ ರ ವೃದ್ಧ ( ಯೆಮನ್ ದೇಶದವನ ಥರ ಕಾಣುತ್ತಾನೆ) ಮೋಯಾ, ಮೋಯಾ(ನೀರು, ಅರಬ್ಬೀ ಭಾಷೆಯಲ್ಲಿ) ಎಂದು ಕೂಗುತ್ತಾ ವಾಹನಗಳ ಸುತ್ತಾ ಸುತ್ತುತ್ತಿರುತ್ತಾನೆ.  ಮತ್ತೊಂದೆಡೆ ಒಬ್ಬ ಯುವಕ ಮಲ್ಲಿಗೆ ಹೂವನ್ನು ಮಾರುವ ಆತುರದಲ್ಲಿರುತ್ತಾನೆ. ಪ್ರಖರ ಬಿಸಿಲಿಗೆ, ವಾಹನಗಳ ಹೊಗೆಗೆ ಸಿಕ್ಕ ಹೂವುಗಳನ್ನು ಯಾವ ರೋಮಿಯೋ ತನ್ನ ಪ್ರೇಯಸಿಗೆ ಕೊಡುತ್ತಾನೋ?

ನನ್ನ ಈ “short errands” ನ ಸಂಗಾತಿ ಅಮೆರಿಕೆಯ NPR (national public radio). washington D.C. ಇಂದ ಬಿತ್ತರವಾಗುವ ಸುದ್ದಿ ಮತ್ತು ಚರ್ಚೆಗಳನ್ನು ಕೇಳುತ್ತಾ ಹೋದರೆ ಸಮಯ ಹೋಗುವುದು ತಿಳಿಯುವುದಿಲ್ಲ. ಅಮೆರಿಕೆಯ ಪ್ರಸಿದ್ಧ ವಾಹನ ತಯಾರಕರಾದ ford, GM ಗಳ ಅಧಿಕಾರಿಗಳು ತಮ್ಮ ಕಂಪೆನಿಗಳನ್ನು ಉಳಿಸಲು ಸರಕಾರ ನೀಡಿದ ಹಣ ಪಡೆಯಲು ಕೈ ಚಾಚಿ ಬಂದಿದ್ದಾರೆ ಎನ್ನುವ ಸುದ್ದಿ ಕೇಳುತ್ತಲೇ ಪಕ್ಕದಲ್ಲಿ ಸುಡಾನ್ ದೇಶದ ಒಬ್ಬ ಬಡ ಮಹಿಳೆ ಭಿಕ್ಷೆ ಬೇಡುತ್ತಾ ಉರಿಬಿಸಿಲಿನಲ್ಲಿ ನಡೆಯುತ್ತಿರುತ್ತಾಳೆ. ಕಡು ಕಪ್ಪು ವರ್ಣದ ಈ ಅಸಹಾಯಕ ಸ್ತ್ರೀಗೂ, ಸೂಟು ಬೂಟಿನಲ್ಲಿ ಭಿಕ್ಷೆ ಬೇಡಲು ಬಂದ ಲಕ್ಷಾಂತರ ಡಾಲರ್ ಸಂಬಳ ಪಡೆಯುವ ಅಧಿಕಾರಿಗಳಿಗೂ ಇರುವ ವ್ಯತ್ಯಾಸ ಏನು ಯೋಚಿಸುತ್ತಾ ಇದ್ದಾಗ ಪ್ರತ್ಯಕ್ಷವಾಯಿತು ಒಂದು ಸುಂದರ ಮೊಗ. ಸೂರ್ಯನ ಬಂಗಾರದ ರಶ್ಮಿಗಳನ್ನು ನಾಚಿಸುವ ಮೈಬಣ್ಣದ ಪೋರಿ ” batook ” chewing gum ಬೇಕಾ ಎಂದು ಮುಗುಳ್ನಗುತ್ತಾ ಕಣ್ಣಿನಿಂದಲೇ ಕೇಳುತ್ತಾಳೆ. ೮ ಅಥವಾ ೯ ವಯಸ್ಸಿನ ಆಫ್ಘಾನಿಸ್ತಾನದ ಹುಡುಗಿ. ಈ ಎಳೆ ಪ್ರಾಯದಲ್ಲಿ ಶಾಲೆಯಲ್ಲೋ ಮನೆಯಲ್ಲೋ ಬೆಚ್ಚಗಿರುವುದು ಬಿಟ್ಟು ಹೊಟ್ಟೆ ಪಾಡಿಗಾಗಿ ಉರಿ ಬಿಸಿಲಿನಲ್ಲಿ ದುಡಿಯುವ ಸ್ಥಿತಿ ನೋಡಿ ಮರುಕ ತೋರುತ್ತದೆ. (shopping ಮತ್ತು gaming ಗಳೇ ತಮ್ಮ ಬದುಕು ಎಂದು ಮಜಾ ಉಡಾಯಿಸುವ ನನ್ನ ಸೋದರಿಯ ಮಕ್ಕಳು ಈ ಹುಡುಗಿಯ ಮುಂದೆ ಸೋತು ನಿಲ್ಲುತ್ತಾರೆ ನನ್ನ ಕಣ್ಣಿನಲ್ಲಿ).

ಆಫ್ಘನ್ನರು ಸ್ವಾಭಿಮಾನಿಗಳು. ಕಷ್ಟ ಸಹಿಷ್ಣುಗಳು. ಬಿಸಿಲಿನ ಬೇಗೆಯ, ಕಣಿವೆ ಕಂದಕ ತುಂಬಿದ ನಿಸರ್ಗದ ನಿಷ್ಠುರ ವಾತಾವರಣದಲ್ಲಿ ಬೆಳೆದ ಇವರಿಗೆ ದಣಿವು ಇಲ್ಲ ಎನ್ನುವಷ್ಟು ಲವಲವಿಕೆ. ಯುದ್ದ ಕಾರಣ ಆಫ್ಘಾನಿಸ್ತಾನ ತೊರೆದು ಬಂದ ಇವರಿಗೆ ಸೌದಿ ಆಶ್ರಯ ನೀಡಿತು. ಕಾದಾಡುವುದೇ ಕಾಯಕ ಎಂದುಕೊಂಡಿರುವ ಇವರಿಗೆ ಯುದ್ಧಗಳಿಂದ ಮೋಕ್ಷ ಯಾವಾಗ ಸಿಗುತ್ತದೋ ಎಂದು ಯೋಚಿಸುತ್ತಾ ಕೂತಾಗ ಹಳದಿ ಬಣ್ಣ ಹಸಿರು ಬಣ್ಣಕ್ಕೆ ದಾರಿ ಮಾಡಿಕೊಟ್ಟಿತು. ಕೂಡಲೇ ಮತ್ತೊಂದು ಕೆಂಬಣ್ಣ ಕಾಣುವ ಮೊದಲು ಕಾಲು ಕಿತ್ತೋಣ ಎಂದು accelerator ಅನ್ನು  ಜೋರಾಗಿ ಒತ್ತಿ ಹಿಡಿದು high way ಸೇರಿಕೊಂಡೆ.

Mother’s day

bhadravathiನಿಮ್ಮ ಟಿಪ್ಪಣಿ ಬರೆಯಿರಿ

busy_momಅಮೆರಿಕೆಯ NPR ರೇಡಿಯೋ ಬಾತ್ಮೀದಾರ ಸ್ಕಾಟ್ ಸಿಮೋನ್ ಮಾತೆಯರ ದಿನದಂದು ಬರೆದ ಪ್ರಬಂಧದ ಅನುವಾದ.

 ನಾನಿರುವಲ್ಲಿ ದಿನವೂ ಮಾತೆಯರ ದಿನ.

ನನ್ನ ಪತ್ನಿ ಕೆಲಸಕ್ಕೆ ಹೋಗುವುದಿಲ್ಲ. ಆಕೆ ಪೂರ್ಣ ಸಮಯ ತಾಯಿ. ಬೆಳಗ್ಗಾದ ಕೂಡಲೇ ಮಮ್ಮ ಮಮ್ಮ ಎಂದು ಚೀರುವ ೨ ವರ್ಷದ ಮಗಳನ್ನು ಒಂದು ಕೈಯಲ್ಲಿ ಎತ್ತಿಕೊಂಡು ಮತ್ತೊಂದು ಕಾಯ್ಯಿಂದ ಹಾಲು ಕಾಯಿಸಲು ಅಡುಗೆ ಮನೆಗೆ ಹೋಗುತ್ತಾಳೆ.

ನಾನಾದರೋ ನನ್ನ ಕಛೇರಿಯಲ್ಲಿ ಕುಳಿತು, ಮಾಡಬೇಕಾದ ಕೆಲಸವನ್ನು ಮುಂದಕ್ಕೆ ಹಾಕುವ ಬಗ್ಗೆ ಯೋಚಿಸುತ್ತಾ, ಬೇಸ್ ಬಾಲ್ ಸ್ಕೋರ್ ನೋಡುತ್ತಾ ನನ್ನ ಕಾಫಿಯ ನಿರೀಕ್ಷೆಯಲ್ಲಿ ಸಮಯ ಕಳೆಯುತ್ತೇನೆ. 

ಪತ್ನಿ ಸ್ನಾನ ಗೃಹಕ್ಕೆ ತೆರಳಲು ಮಗಳು ಬಿಡದಾಗ ಆಕೆಯನ್ನೂ ಎತ್ತಿ ಕೊಂಡು ಒಳ ಹೋಗುತ್ತಾಳೆ. ೨ ವರ್ಷದ ಮಗುವನ್ನು ಸ್ನಾನ ಗೃಹದಲ್ಲಿ ಸಂಭಾಳಿಸುವುದು ಸರ್ಕ್ಸಸ್ಸೇ ಸರಿ. ಈಗ ನಮ್ಮ ೬ ವರ್ಷದ ಮಗಳು ಮಮ್ಮ ಮಮ್ಮ ಎನ್ನುತ್ತಾ ಎದ್ದು  ಬಂದಾಗ ಆಕೆಯನ್ನೂ ಚಿಕ್ಕ ಮಗುವನ್ನೂ ಎರಡೂ ಕೈಗಳಲ್ಲಿ ಎತ್ತಿ ಹಿಡಿದು ತನ್ನ ಮೂರನೇ (?) ಕೈಯಿಂದ ಮತ್ತಷ್ಟು ಹಾಲನ್ನು ಬಿಸಿ ಮಾಡಲು ತೊಡಗುತ್ತಾಳೆ.

ಈಗ ಮತ್ತೊಂದು ಕಾಫಿಗಾಗಿ ನಾನು ಅಡುಗೆ ಕೊನೆಗೆ ಬರುತ್ತೇನೆ.

ಆಕೆ ಮಕ್ಕಳನ್ನು ಶಾಲೆಗೆ ತಯಾರಿ ಮಾಡಲು ಬಟ್ಟೆ ತೊಡಿಸುತ್ತಾಳೆ. ಮೊಲಗಳ ಥರ ಜಿಗಿದಾಡುವ ಅವರಿಗೆ ಬಟ್ಟೆ ತೊಡಿಸುವುದು ಮತ್ತೊಂದು ಸಾಹಸ. ಅವರನ್ನು ಪಕ್ಕದಲ್ಲೇ ಇರುವ ಶಿಶುವಿಹಾರಕ್ಕೆ ಬಿಟ್ಟು ಬರಲು ಅರ್ದ ಘಂಟೆಗೂ ಹೆಚ್ಚು ಸಮಯ ತೆಗೆದುಕೊಳ್ಳುತ್ತದೆ. ಪ್ರತಿ ಅಂಗಡಿಯ ಮುಂದೆ ಮತ್ತು ಪ್ರತಿ ಕಿಟಕಿಗಳನ್ನು ಇಣಕಿ ನೋಡುತ್ತಾ ಸಾಗುತ್ತವೆ ನಮ್ಮ ಪುಟಾಣಿಗಳು.

 

ಮನೆಗೆ ಮರಳಿದ ಆಕೆಗೆ ಸ್ವಲ್ಪ ವಿರಾಮ. ಬಟ್ಟೆ ಒಗೆಯಲು ಹಾಕಿ,ಬಿಲ್ಲುಗಳನ್ನು, ಕ್ರೆಡಿಟ್ ಕಾರ್ಡ್ ಪಾವತಿ ಮಾಡಿ, ತಪ್ಪಾಗಿ ತನಗೆ ಬಂದ ಫೋನ್ ಬಿಲ್ಲುಗಳನ್ನು ಕಂಪನಿ ಯವರೊಂದಿಗೆ ರಗಳೆ ಮಾಡಿ ಬಗೆಹರಿಸುತ್ತಾಳೆ. ಇದನ್ನೆಲ್ಲಾ ಮಾಡುತ್ತಿದ್ದಾಗ ನಮ್ಮ ಚಿಕ್ಕ ಮಗಳು ಚಿಂಪಾನ್ಜೀ ಥರ ಅವಳ ತಾಯಿಯ ಕೊರಳ ಮೇಲೆ ತೂಗುತ್ತಿರುತ್ತಾಳೆ. ಚೆಲ್ಲಾಡಿದ ಆಟಿಕೆಗಳನ್ನು ಹೆಕ್ಕಿ, ಸ್ವಲ್ಪ ಶಾಪಿಂಗ್ ಮಾಡಿ, ಬೀರುವನ್ನು ಒಪ್ಪವಾಗಿಡುತ್ತಾಳೆ. fish tank ಕ್ಲೀನ್ ಮಾಡಿ ಬೆಕ್ಕಿನ ಗಲೀಜನ್ನು ಶುಚಿಕರಿಸುತ್ತಾಳೆ. ಚಿಕ್ಕ ಮಗಳ ಕಳೆದು ಹೋದ ಆಟಿಕೆ ಹುಡುಕಿ ಕೊಟ್ಟ ಮೇಲೆ ಸ್ನಾನಕ್ಕೆ ಹೋಗಲು ಸಮಯವಿರುವುದಿಲ್ಲ ಆಕೆಗೆ. ಇಷ್ಟಾದ ನಂತರ ಮಗಳನ್ನು ಶಾಲೆಯಿಂದ ಕರೆತಂದು ballet ಕ್ಲಾಸಿಗೆ ಕರೆದೊಯ್ಯುತ್ತಾಳೆ. ಮೂರು ಹೊತ್ತಿನ ಅಡುಗೆ ಮತ್ತು ತರಾವರಿ ತಿಂಡಿ ತಯಾರಿ ಮಾಡಿ, ಮಕ್ಕಳ ಅಜ್ಜಿಯಂದಿರಿಗೆ ಫೋನಾಯಿಸಿ, ಅವರಿಗೆ ಮೊಮಕ್ಕಳ ಫೋಟೋ ಕಳಿಸಿ ಕೊಡುತ್ತಾಳೆ. ನಾನು ಒಂದೆರೆಡು ಬಾರಿ ಆಕೆಗೆ ಫೋನ್ ಮಾಡಿ ನಾನು ಬಹಳ ಬ್ಯುಸಿ ಇದ್ದೇನೆ ‘ ಸ್ವಲ್ಪ ನನ್ನ ಕೆಂಬಣ್ಣದ ಕಾಲ್ಚೀಲ ಹುಡುಕಿ ಇಡ್ತೀಯ ಅಂತ ಕೇಳುತ್ತೇನೆ. 

 

ಆಕೆಗೆಂದು ಲಭ್ಯವಿರುವುದು ಕೇವಲ ೪ ನಿಮಿಷಗಳು ಮಾತ್ರ. ನೆಲದ ಮೇಲೆ ಬಿದ್ದ ತಿನಿಸೇ ಆಕೆಯ ಊಟ. ದಿನಕ್ಕೆ ೧೫ ಘಂಟೆಗಳ ಬಿಡುವಿಲ್ಲದ ದುಡಿತ ಆಕೆಯದು.  ೩೬೫ ದಿನ ಪೂರ್ತಿ, ರಜೆಯಿಲ್ಲ. ಇಷ್ಟೆಲ್ಲಾ ಕಷ್ಟ ಬಿದ್ದರೂ ಆಕೆಯ ಪ್ರಕಾರ ಪೂರ್ತಿ ಸಮಯ ತಾಯಿಯಾಗಿರುವುದೇ ಒಂದು ವರದಾನ,  ಮಕ್ಕಳೊಂದಿಗೆ ಮನೆಯಲ್ಲಿರುವ ಭಾಗ್ಯ.

 

ಈ ಪ್ರಬಂಧ ಓದಿ ನನ್ನ ಬದುಕು ನನ್ನ ಕಣ್ಣ ಮುಂದೆ ಬಂದು ಬಿಟ್ಟಿತು. ಇದೇ juggling ನನ್ನ ಮಡದಿಯದೂ. ಆರು ವರ್ಷದ ಪೋರ, ೧೫ ತಿಂಗಳ ಪೋರಿ ಸರ್ಕಸ್ಸಿನ ರಿಂಗ್ ಮಾಸ್ಟರ್ ಪ್ರಾಣಿಗಳನ್ನು ಮಣಿಸಿ, ಕುಣಿಸುವಂತೆ ತಮ್ಮ ತಾಯಿಯನ್ನು ಕುಣಿಸುತ್ತಾರೆ. ನಾನಾದರೋ ನನ್ನ ಲ್ಯಾಪ್ಟಾಪ್ ಆಯಿತು ಇಲ್ಲಾ ಪುಸ್ತಕ ಆಯಿತು. ಮನೆಯಲ್ಲಿ ಭೂಕಂಪವಾದರೂ ತಿರುಗಿ ನೋಡುವುದಿಲ್ಲ. ನನ್ನ ಈ ಸ್ವಭಾವ ನೋಡಿಯೋ ಅಥವಾ ಗಂಡು ಜಾತಿಯೇ ಹೀಗೆ ಎಂದೋ ಆಕೆಯೂ ನನಗೆ ಯಾವ ಕೆಲಸವೂ ಹೇಳುವುದಿಲ್ಲ. ಹೆಚ್ಚು ಎಂದರೆ garbage ಹೊರಕ್ಕೆ ಎಸೆಯಲು ಮಾತ್ರ ನನ್ನ ಸಹಾಯ ಸೀಮಿತ. ಸಿಮೊನ್ ರ ಈ ಪ್ರಬಂಧ ಓದಿ ಸ್ವಲ್ಪ guilty ಫೀಲ್ ಆಗ್ತಿದೆ. ನೀವು ಇದನ್ನು ಓದುತ್ತಿರುವಂತೆಯೇ ನನ್ನ ಮಗಳು, ಹೂದಾನಿ ತುಂಬಾ ಸೌಟು, ಬೂಟು, ಚಮಚ, ಆಟಿಕೆಗಳನ್ನು ತುಂಬಿಸಿ  ಇಟ್ಟಿದ್ದಾಳೆ, ಅದನ್ನು  ಬರಿದು ಮಾಡಿ ಬರುತ್ತೇನೆ.

ಅಡ್ಡ ಹೆಸರು, ದಿಡ್ದ ಹೆಸರು

bhadravathiನಿಮ್ಮ ಟಿಪ್ಪಣಿ ಬರೆಯಿರಿ

ಸಾಬು ಅಂತ ಕರೆಯುತ್ತಿದ್ದರು ನನ್ನನ್ನು. ಪ್ರೀತಿಯಿಂದ ಕರೆಯುತ್ತಿದ್ದರಿಂದ ಸಹಿಸಿಕೊಳ್ಳುತ್ತಿದ್ದೆ. ಅದರಲ್ಲೂ ಶಿಕ್ಷಕರು ಕರೆದರೆ protest ಮಾಡಲು ಸಾಧ್ಯವೇ? ನಾನಂತೂ ಆ ಪದವನ್ನು ಅತ್ಯಂತ ಲಘುವಾಗಿ ತೆಗೆದುಕೊಳ್ಳುತ್ತಿದ್ದೆ. ಒಮ್ಮೆ, ನಾನು ಚಿಕ್ಕವನಿದ್ದಾಗ ನನ್ನ ಮಿತ್ರ ಬಸರಾಜ ಕೇಳಿದ ಏನೋ ಬೆಳಿಗ್ಗೆ ಮನೆಯಲ್ಲಿ ತಿಂಡಿ ಎಂದು. ನಾನು ಇಡ್ಲಿ ಎಂದೆ. ಮಾರನೆ ದಿನವೂ ಕೇಳಿದ, ಮತ್ತೆ ಇಡ್ಲಿ ಅಂದೆ. ಇಡ್ಲಿಯಷ್ಟು prolific breakfast ಬೇರೆ ಇಲ್ಲ ಅಂತ ಅನ್ನಿಸುತ್ತೆ. ಒಂದೇ ಏಟಿಗೆ ೫೦ ಇಡ್ಲಿ ಹಿಟ್ಟನ್ನು ಪಾತ್ರೆಗೆ ಏರಿಸಿಬಿಟ್ಟರೆ ಸ್ವಲ್ಪ ಹೊತ್ತಿನಲ್ಲೇ ಬೇಕಷ್ಟು ಜನರಿಗೆ ಇಡ್ಲಿ ಸರಬರಾಜು ಮಾಡಬಹುದು. ಮೂರನೇ ದಿನವೂ ನನ್ನ ಉತ್ತರ ಇಡ್ಲಿ. ಇದನ್ನು ಕೇಳಿದ ಅವನು ” ಏನೋ ನಿನಗೆ ಇಡ್ಲಿ ಅಂದ್ರೆ ಅಷ್ಟೊಂದು ಇಷ್ಟಾನ? ಅಂದ್ರೆ ನಿನ್ ಹೆಸರು ಈಗ ” ಇಡ್ಲಿ ಬೂಸಾ” ಎಂದು ಬೀದಿಯಲ್ಲೆಲ್ಲಾ ಟಾಮ್ ಟಾಮ್ ಮಾಡಿದ. ಕೆಲವೊಮ್ಮೆ tuition ಗೆ ತಡವಾಗಿ ಬರುತ್ತಿದ್ದ ನನ್ನನ್ನು ಮೇಡಂ ಒಬ್ಬರು late latif ಎಂದು ಕರೆಯುತ್ತಿದ್ದರು. ನನ್ನ ಮಿತ್ರ ಗುರುವಿನ ಅಡ್ಡ ಹೆಸರು “ಮುಳಗಾಯಿ”. ಅವನ ಅಕ್ಕಂದಿರು ಇಟ್ಟ ಹೆಸರು. ಎಲ್ಲವನ್ನು ಬಲ್ಲ ನನ್ನ ಮಿತ್ರನೊಬ್ಬನ ಹೆಸರು ” ದುನಿಯಾ ಕಿ ಚಾವಿ ” ಎಂದು. ಅಂದ್ರೆ ಅವನಿಗೆ ಗೊತ್ತಿಲ್ಲದ ವಿಷಯ ಯಾವುದೂ ಇಲ್ಲ ಅಂತ. ಇನ್ನೊಬ್ಬ ಹೊಸ ಹೊಸ ಕತೆಗಳನ್ನು, ಸುದ್ದಿಗಳನ್ನು ಹುಟ್ಟು ಹಾಕುತ್ತಿದ್ದ. ಬಹುತೇಕ ಅವು ಸುಳ್ಳಾಗಿರುತ್ತಿದ್ದವು. ಕೊನೆಗೆ ಅವನಿಗೆ ಆಯಿತು ನಾಮಕರಣ, ” ಲುಂಗಿ ನ್ಯೂಸ್ ” ಅಂತ.