ಮಾಧ್ಯಮ ಇಳಿಯುವ ಮಟ್ಟ ನೋಡಿ. ಜನ ಸಹಬಾಳ್ವೆ ಬಯಸಿದರೂ, ಮಾದ್ಯಮ ಬಿಡದು. ಮತ ಹಾಕಲು ಸರತಿಯಲ್ಲಿ ಜೊತೆಯಾಗಿ ನಿಂತ ಮುಸ್ಲಿಂ ವೃದ್ಧ ಮತ್ತ್ತು ಹಿಂದೂ ವ್ಯಕ್ತಿಯ ಚಿತ್ರ ತೆಗೆದು ” a muslim stares at a Hindu man at polling station” ಎಂದು ತನ್ನ ಮಹಾಕೃತಿಯನ್ನು ವರ್ಣಿಸುತ್ತಾನೆ. ವಿವಿಧ ಧರ್ಮಗ ಳಿಗೆ ಸೇರಿದ ಜನ ವೋಟ್ ಹಾಕುವಾಗ, ಪ್ರಯಾಣಿಸುವಾಗ, ಪಡಿತರ ಅಂಗಡಿಗಳ ಸಾಲಿನಲ್ಲಿ, ಶಾಲೆ ಕಾಲೇಜುಗಳಲ್ಲಿ ಒಟ್ಟಿಗೆ ಸೇರುವುದು ತೀರಾ ಸಹಜ, ಸಾಮಾನ್ಯ. ಈ ಸಾಮಾನ್ಯ ಜ್ಞಾನ ಕ್ಯಾಮೆರಾಧಾರೀ ಪಂಡಿತನಿಗೆ ಹೊಳೆಯದೆ ಹೋಯಿತು, ಅಥವಾ ಕುಚೇಷ್ಟೆ ತನ್ನ ಕುಬುದ್ಧಿಯನ್ನು ಪ್ರದರ್ಶಿಸಿತು.

ಮುಸ್ಲಿಂ ಜೊತೆಯಲ್ಲಿ ಕಾಣಸಿಗುವ ಪ್ರತೀ ಸನ್ನಿವೇಶಕ್ಕೂ ಏನಾದರೂ ಒಂದು ಬಣ್ಣ ಕಟ್ಟಲೇಬೇಕು. ಕನಿಷ್ಠ ಯೋಗ್ಯತೆ, ಕನಿಷ್ಠ ವಿದ್ಯೆ ಇಲ್ಲದ ನಾಲಾಯಕ್ ಗಳು ಮಾಧ್ಯಮ ದಲ್ಲಿ ತುಂಬಿಕೊಂಡಾಗ ಆಗುವ ಅನಾಹುತ, ಅಭಾಸಕ್ಕೆ ಈ ಚಿತ್ರ ಕೈಗನ್ನಡಿ.

ಮೈಸೂರು ಪ್ರಿಂಟರ್ಸ್ ಬಳಗದ ಡೆಕ್ಕನ್ ಹೆರಾಲ್ಡ್ ಪತ್ರಿಕೆಯಲ್ಲಿ ಬಂದ ಚಿತ್ರ ಇದು. ಮೈಸೂರು ಪ್ರಿಂಟರ್ಸ್ ನನಗೆ ತಿಳಿದ ಹಾಗೆ ಸಮುದಾಯಗಳ ನಡುವೆ ಈ ತೆರನಾದ ಗೋಡೆ ಎಬ್ಬಿಸುವ ಪರಿಪಾಠ ಇಟ್ಟುಕೊಂಡ ಸಂಸ್ಥೆಯಲ್ಲ. ಕಾಲ ಬದಲಾದ ಲಕ್ಷಣವೋ ಅಥವಾ ಬೇರಿನ್ನೇನೋ ಒಟ್ಟಿನಲ್ಲಿ ಪತ್ರಿಕೆಯ ಈ ನಡೆ ಮಾತ್ರ ಆ ಸಂಸ್ಥೆಗೆ ಶೋಭೆ ತರುವಂಥದ್ದಲ್ಲ. ಮೈಸೂರು ಪ್ರಿಂಟರ್ಸ್ ತಮ್ಮ ಸಂಸ್ಥೆಯಲ್ಲಿ ಹೊಕ್ಕಿರುವ ಸಮಾಜ ಕಂಟಕ ಹುಳುಗಳನ್ನು ಹೆಕ್ಕಿ ಹೊರಕ್ಕೆಸೆಯಲಿ.