ಎಲೆಕ್ಟ್ರಿಕ್ ಸ್ಟೋವ್ವು, ಗ್ಯಾಸ್ ಸ್ಟವ್ವು, ಹಾಟ್ ಪ್ಲೇಟು, ಸೋಲಾರು, ಓವನ್ನು, ಕೂಕಿಂಗ್ ರೇಂಜ್,    ಇವೆಲ್ಲಾ ಕಾಣುತ್ತಾ ಬೆಳೆದ ಮಕ್ಕಳಿಗೆ ಈ ಚಿತ್ರವನ್ನ ತೋರಿಸಿದಾಗ ಏನನ್ನಿಸ ಬಹುದು? ಈಗ ಲಭ್ಯವಿರುವ ಎಲ್ಲಾ ಸಂಪನ್ಮೂಲಗಳನ್ನು ಎರ್ರಾ ಬಿರ್ರಿ ಬಳಸಿದ ನಂತರ ಬಹುಶಃ ನಾವು ಬಂದು ಮುಟ್ಟುವುದು ಇಲ್ಲಿಗೋ ಏನೋ? ನಾಸ್ಟಾಲ್ಜಿಕ್ ಚಿತ್ರ, ನನಗಂತೂ ಇದನ್ನು ಕಂಡು, ಇಂಥ ಅಡುಗೆ ಮನೆಯಲ್ಲಿ ಉಂಡು ಪರಿಚಯವಿದೆ. ನಿಮಗೂ ಇದೆಯಾ………..?    

ಒಂದ್ನಿಮ್ಷ, ಒಂದ್ನಿಮ್ಷ. ಹೋಗ್ಬೇಡಿ. ಈ ಚಿತ್ರದಲ್ಲಿರುವ ಹೆಣ್ಣು ಮಗಳ ಮೊಗದ ಮೇಲಿನ ಮೊಗ್ಗಿನ ಮಂದಹಾಸ ಗಮನಿಸಿದಿರಾ? ಆ ಪ್ರಸನ್ನತೆ, ಸಂತೃಪ್ತ ಭಾವ contentment, ಮಣ್ಣಿನ ಒಲೆ, ಒಲೆಯ ಹತ್ತಿರ ಒಂದು ಡಬ್ಬ, ಬಹುಶಃ ಕೈ ಬೆರಳಿಗೆ ಸಿಗುವಷ್ಟು ಮಾತ್ರ ಇರಬಹುದು ಸಾಸುವೆ ಅಥವಾ ಕಾಫಿ ಪುಡಿ, ಇಷ್ಟೊಂದು ಬೇಸಿಕ್ಸ್ ಗಳ ನಡುವೆಯೂ ಆಕೆಯ ಮುಖದ ಮೇಲಿನ ತೃಪ್ತ ಭಾವ… ಹೊಳೆಯುವ ಡಿಸೈನರ್ ಅಡುಗೆ ಮನೆಯ ತುಂಬಾ ಅತ್ಯಾಧುನಿಕ ಫ್ರಿಜ್ಜು, ಮೈಕ್ರೋ ವೇವ್, ಸ್ಟೋವ್, ವಾಷಿಂಗ್ ಮೆಶೀನ್, ಮಿಕ್ಸರ್, ಕೌಂಟರ್ ಟಾಪ್ ಮೇಲೆ ಫೇಸ್ ಬುಕ್ನಲ್ಲಿ ಸ್ಟೇಟಸ್ ಅಪ್ಡೇಟ್ ಮಾಡಲು ಕಾತುರದಿಂದ ಕಾಯುವ ಲ್ಯಾಪ್ ಟಾಪ್, ಇವುಗಳ ಮಧ್ಯೆ, ಇಷ್ಟೆಲ್ಲಾ ಸೌಲಭ್ಯಗಳ ನಡುವೆ ವೇಳೆ ಕಳೆಯುವ ಆಧುನಿಕ ಮನೆಯೊಡತಿಯ ಮುಖದ ಮೇಲೆ  ಕಾಣಲು ಸಿಕ್ಕೀತೆ ಮಂದಹಾಸ? ಕಾಣಲು ಸಿಗುವುದೇ ‘ಕಂಟೆಂಟ್ ಮೆಂಟ್’?

pic courtesy: www.cnn.com